Li spitch då Djozè Fontinne åzès fiesses del Walonreye 1999

Mande escuze di dvizer fok [seulement] po les moirts di 1830 eyet po lz Ancyins Cobatants et les Rezistants, moirts u vicants.

[La Résistance, la plus belle page de l'Histoire, sauve des sociétés entières, elle est de tous les temps, elle prend à mes yeux la figure de la Tournaisienne Marguerite Bervoets décapitée à la hache en 1944, auteure d'une lettre d'adieu déchirante]Li Rezistance furi yene des pu belès pådjes di l' istwere del djin [du genre humain].

On-z ôt berdeler, pacô, k' i gn aveut k' ene pogneye di djins ki fyin avu l' Arméye Blantche. Min l' Arméye Blantche, ci n' est nen tote li Rezistance ! Veyu did pu yôt, li Rezistance, c' e-st on sintumint del djin ki passe hute des Rezistants zelminmes, eyet ki va scaper des sôciètès etires.

Dji n' påle nin fok pol Rezistance di l' ôte guere u di ci guere ci, min dji djåze eto del cile k' est markéye et rachiowe [inscrite] å parfond do cour del djin. Li Rezistance escapa [sauva] nosse Walonreye, come ele riheura [sauva] li France do Jenerål De Gaule. Cwand ki dj' tûze al Rezistance, il aspite divant mes ouy l' imådje d'ene crapôte, Magrite Bervoets, ene rediveuse [résistante, opposante] di Tournai, k' on lî a côpè s' tiesse a Wolfenbüttel. Magrite sicrijha, è-n ene lete d' arvey a si grande soçondje [amie] : Dji mûr [meurs] d' avu veyu l' veye trop voltî, min si pinse dju [mais je pense aussi] a vos efants ki serant pu tård cwite èt lidjes [libre de toute oppression], ene miete a cåze di mi [grâce à moi].

[La Résistance transcende tout ce qui est humain, dépassement qu'on peut appeler «République», dont la Wallonie s'est rendue digne en 40-44, luttes continuées longtemps après et qui expliquent qu'il y a une Wallonie autonome, qui ne peut être subordonnée à cette « Communauté française» qui nie son identité]

Magrite ni croeyeut nè a Diu nè a Diâle, min mi, tot crustin ki dj' fuxhe [en tant que croyant], dji m' adgnoleye d' on lan tot-z oyant ces paroles la. Åresse, c' e-st a dgnos, binamès copleus, binaméyèscopleuses, ki dji va porsûre, pôy ki dju vos va dire sacwants cayets [choses] k' i gn a des cis ki n' inmrant nin. Min c' est pu foirt ki mi, c' est pu foirt k' el Walonreye. I m' vos les fåt di tote foice dire.

Çu ki nosse Magrite Bervoets a scrît dso, c' est çu k' on lome, hute di Kièvrin, padècô a môde di basse messe, li Republike. Li Republike n' est nin ene sôte di minadje di payi [système de gouvernement] emey des ôtès sistèmes. Li Republike, c' est l' vicåreye del djin, ene djin ki dmeure fîre et degne. «Riwaite tofêr å hôt, eyet recresteye tu !», sapinse co a De Gaulle.

Binamé Bon Diu d' boe, ca hôt [combien haut] k' el Walonreye a rlukî eyet ca vigreuzmint k' ele s'a recrestè timp del guere. Si fin droet k' el Walonreye s' astampa, di dju, ki si Rezistance ridjibla avu li nuzome Raplu Nacionå Walon di Lîdje e 1945 ; siconte di Yopôl III e 1950 eyet e 1960, avu l'André Renard et totes les lûtes et les lûtadjes, ki ç'a sti cåze di ça k' on-z a véci asteure nin lon eri d' Mouze, on Pårlumint ey on goviènmint walon.

Çu Pårlumint la et çu goviènmint la, ci n' est nin dåzès politikis; c'est da nosse, nozôtes les cis èyet les ciles ki dmerèt èl Waloniye, c'est da nosse, nozôtes, li Peûpe del Walonreye.Vos, djins del Walonreye, vos esto-st on grand peûpe. Twè, li Peûpe walon, dji n' vôreu nin k' on t' assudjetireut a tolminme kî et a tolminme cwè, copurade k' on t' leyreut miner al laxhe påzès cis ki s' diynut francofones min nin Walons. Les francofones di c' payi chal, c' e-st aprume, les Walons del Walonreye, k' i gn e-n a branmint dpu ki les ôtes francofones. Nos vlans bin dmerer aloyis åzès Brusselwès, min i n' nos plait nin [e walon din l' sicrijhadje] k' on nos î oblidjache pal voye d' ene estitucion aviyeye, - dj' aleu dire yene a môde di vî paltot -, ki s' lome - va-z è vey pa ké sint - «Francesse Cominåltè», por mi ene nindje di grandiveus ki rnôye èt spotchî nosse tûzance walone.

[Des droits humains élémentaires défendus pendant la guerre sont violés par le néolibéralisme qui insulte les sacrifices de M.Bervoets et F.Bovesse... Insulte aussi d'une certaine presse à l'égard de la Wallonie ou l'idée que le salut wallon doit être subordonné, non à l'entente avec la Flandre, mais à l'État belge responsable d'un déclin wallon freiné par les seules luttes ouvrières]

Gn a k' ene tchôse ki deut yesse metuwe odzeu del Walonreye, c' est l'vey-voltî di tos les ôtes peûpes del daegn. Apinse a nos soçons Amerikins : Life, Liberty and the Pursuit of happiness.

Vikî fir èt franc, eyet zesse binawreus et binåje, c' est yåk [qqch] k' on rsaetche evoye, droci el Walonreye, a trop' di bineus, di pwinteus et di trinne-mizère, inte di zels, branmint des djonnes. Pôy ki, dispu 30 ans, li ritchesse di nosse payi a doblè, po n' nin diretriplè, dj' ô bin ki, tot comptè tot rabatû, on pôreut dner di l' ovradje a tos les efants del Walonreye.

Vozôtes tertos, les efants del Walonreye, rapinsoz vos les djhadjes [paroles, dires] dal Magrite Bervoets. Dj' a rcopyi ses paroles. Et s' les vôreu dju bin mète so les lepes, ki n' rimowet pu, då Franswès Bôvesse.

Vos Franswès, vos Magrite, vos ki tuzeut o grand momint d' vosse moirt, åzès efants ki serin cwites et lidjes, rilucoz, don ene miete avårci. Di cåze do chomadje, i nel sont nin tertos, ele n' el sont nen tertotes, cwites et lidjes.

Vos, Franswès, vos, Magrite, riwètôz avu vos grands ouy disbåtchis les djins d' nos djins ki sont co todi språtchis, co todi assudjetis et tnus al laxhe [lahe, lache = laisse].Vos n' vlans nin, dji n' vlans di tote foice nin, ki totes les djins del daegn si metinche è-n erote fok so on pazea, rin k' so ene pî-sinte, li cile do nu-liberalisse. Ci sereut petchi [péché] eneviè [par rapport à] vosse miermoirt pol Patreye.

Come on put dire sin crankyi k' ele raetche pår sol Patreye walone [cracher sur toute la patrie wallonne], el grande gazete di Brussele ki franke come ene tigneuse, passe si timp eyet rimpli ses colones tot discåzant, tot kidjåzant, djou après djou, nosse Walonreye. Eyet tot dismeprijî et taper a lm' abache li foice [effort] ki l' Walonreye fwait por leye si saetchi l' tiesse fû des strins [émerger économiquement]. Ene gazete di francophone ki spotche les simboles walons, tot roviant kiles francofones, c' e-st aprume les Walons del Walonreye.

Alfin, po clôre li cayet, dji n' admet nin k' on feye passer li riscapadje et l' riheurèdje [sauvetage, salut] del Walonreye padri l' ci di l' Etat belje. Dji di l' État belje et nin l' Beljike paski nos nos dvans co etinde avu les Flamands - met de Vlamingen. Paski, di dju, paski l' État belje nos a leyi la hatch et match [abandonné lâchement] 50 ans d' asto, a té pont k' i fala ki les ovris walons montinche a Brussele, dijh côps, vint côps, cint côps, eyet s' îfé macsåder, po djusse avu, al fen des fens, çu ki nos rivneut d' abondroet.

[Que soit supprimé le chômage (...) Que Vive la République!]

Å no di nost abondroet, dji dmande k' on mete ene ahote å chomadje eyet k' on tape ås rikètes li må loméye «Communauté française»

Å no di nost abondroet, dji dmande ki l' Walonreye vicache cwite et libe eyet dji dmande eto ki vicache li Republike!

Radaptaedje e walon: Lucyin Mahin, li 28 d'octôbe 1999.